Delegasyonê Mîyanneteweyî yê vera Tecrîdî yo ke 7 welatan ra 36 kesan ra yeno pê, avûkatê Buroyê Huqûqî yê Asrinî zîyaret kerdî ke avûkatê Rayberê Şarê Kurdî Abdullah Ocalanî yê. Heyet hetê avûkatan Razîye Ozturk, Cengîz Yureklî û Rêzan Saricayî ra ame pêşwazîkerdene. Kombîyayîş do di saetan dewam bikero.

Avûkatê Asrinî do derheqê tecrîdê Îmraliyî, Komployê Mîyanneteweyî, tesbîtanê CPTyî ser o heyet de qisey bikerê. Kombîyayîş çapemenîye rê girewte dewam keno.

 Wina pawîyeno ke heyet dima şoro zîyaretê ÎHDyî.