Merkezê Îrtîbatî û Çapemenîye yê HPGyî derheqê hêrişê Mêrdînî yo ke panc kurdî ameybî qetilkerdene eşkerayîye daye û nê vatî:

''19ê çeleyî de panc hemwelatîye ma yê ke Başûrê Kurdîstanî ra yê, Mêrdîn de ameyî qetilkerdene. Ma sere de merdimanê înan rê, rêkanîyijan rê û heme şarê Kurdîstanî rê serweşîye wazenê.

Merdimê ma yê ke ame hedefgirewtene eşîrê Rêkanî ra yo. Rêkanîyijî pabesteyê welatê xo yê, merdimê welatperwer ê, dewe û herêmanê xo de xeyêk rey raştê hêrişê dewleta tirke ameyî û zaf şehîdê înan est ê. Seba ke nê merdimê ma hedefê dewleta tirke de yê, serebûtê Mêrdînî serebûtêko tarî yo. Baldar o ke dewleta tirke no sey vakayê edlî hesibna û bi destê dozgerîye qerarê nimitişî girewt. Beno ke no qetlîam sey hêrişê kontrayî, çarçeweya planê cumkerdişê kurdan de plankerde ame kerdene. Ma sey Hêzanê Pawitişê Şarî do bibê teqîpkarê nê serebûtî û hesabê ci bipersê. Ma reyna şarê xo yê welatperwerî rê serweşîye wazenê.''