Gerîlayê HPGyî Karasungur Kanîreş (Zubeyir Teymuroglu) yo ke 2ê sibate de Metîna de pîya bi 7 hemrayanê xo tewrê kerwanê şehîdan bi, paytextê Îngîlîstanî London de ame yadkerdene.

Keyeyê Teymurogluyî, Komîsyonê Keyeyanê Şehîdan ê Brîtanya, endamê Têgêrayîşê Ciwananê Şorişgêran û Meclîsê Cinîyan ê Jîyane û xeylêk kesî tewrê aktîvîte bîyî.

Qiseykerdişan de ame îfadekerdene ke Gerîlayê Azadîye yê Kurdîstanî ruhê azadîye û xoverdayîşî yê şarê kurdî û şaranê Rojhelatê Mîyanenî yê û mesajê xurtkerdişê têkoşînî ame dayene.

Savaş Kanîreşê ke bi nameyê keyeyê Şehîd Karasungur û Kanîreşî qisey kerd,vîst vîrî ke şehîdî semedê azadîya Kurdîstan û kurdan ganê xo danê û vat: ''Koyanê Kurdîstan de şero giran est o. Wazenê ke şarêkî çîn bikerê. Şehîd Karasungur û hemrayanê ci derbeyê girdî dayî îşxalkeran û hemkaranê ci ro. Ma sey keyeyê Şehîd Kanîreşî do tim rayîrê şehîdan de têkoşîn bikerê û miheqeq xîyalanê înan bîyarê ca. Îşxalker û xayînî do binkewê.''