Endamê Komîteya Rayberdişî ya PKKyî Murat Karayilanî Bernameyê Taybetî yê Stêrk TVyî de rojdem ercna. Beşê dîyinî yê qiseykerdişê Karayilanî ra qismêk wina yo:

''Ewro bi lîsteya terorî de cagirewtişê têgêrayîşê ma û tewirê CPTyî yeno vînayene ke komplo dewam keno. Gureyê CPTyî vergirewtişê îşkenceyî yo la derheqê Îmraliyî tewirê ci şikdar o. CPT zî sey dezgehêk komplo de cayê xo geno. Îşkenceyê Îmraliyî sey normalî mojeno. Şarê ma hema zî hêzanê komplogeran ra eşkerayîye paweno. No komplo qey ame kerdene û qey hema dewam keno.

DAÎŞo ke heme dinya tehdît keno hetê Rayber Apoyî ra ame vindarnayene. Rayber Apoyî xora semedê Şingalî perspektîvêk dabi û wextê Kobanê de zî seferberîye îlan kerdbî. Şervanê Rayberê Apoyî sey fedayîyan kewtî dewre. Ê wextî de Şingal û Mexmûr de mudaxale kerd, destûr nêda DAÎŞ bikewo Hewlêr. Semedê paştdayîşê pêşmergeyan mudaxaleyê Kerkukî kerd. Dima zî Kobanê de paştî dîyaye YPG-YPJyî. Hela ke pêrune vatêne Kobanê hinî nêxelisîyena, îredeyê Apoyî vat nê Kobenê do megino war û DAÎŞ bin vist.

Ey ke DAÎŞ bin fîna Îmrali de binê tecrîdê giranî de yo.  Rayberîye merdimîye belayêkê girdî ra xelisna. Azadîya cinîyan, demokratîkbîyayîşê komelî aver berd  û Rojhilatê Mîyanênî roşnî kerd. Nê hêzan qey hêrişê na roşnîye kerd. Wa nê îzah bikerê. Qey wazenê roşnîye tarî bikerê? Eke raşta wazenê bibê dostê kurdan û haştîye wazenê o wext wa qet yew rêxistina kurdan ke semedê azadîye têkoşîn kena, lîsteya terorî de mero cakerdene. Na lîste xelet a. Îqtîdarê AKP-MHPyî na lîste ra paştî gena û heme kurdan sey terorîstî hesibnena û  hêrişê înan kena. Berpirsîyarê hêrişan nê hêz ê.  Coka ganî nê hêzî sîyasetê xo bibedilnê. Hinî bes o.Kombployî biqedînê. Pawitişê şarê ma no yo. Ganî na lîsteya terorî û tecrîdê Îmraliyî bêrê wedaritene.

Ez hemra Vîyane Soran, Veysî Taş û Mehmet Akarî bi hurmet yad kena. Înan vera komployî bedenê xo da adirî ver. Nê çalakîyî zaf bimana yê la ma xo vêşnayîşî qebul nêkenê. Xora Rayber Apoyî zî çirey metodê xo vêşnayîşî qebul nêkerdî. Vatênê xo nê dişmenî bivêşnê. Wa çew nê metodan meşuxulno. Kam ke wazeno vera dişmenî bibo îrade wa tewrê gerîlayn bibo. Ez venga heme ciwanan dana; wa çew bedenê xo medo adirî ver.''