Komîteya Perwerdeyî ya KCKyî bi eşkerayîya nuştekîye 21ê Sibate  Roja Ziwanê Dayîke ya Cîhanî pîroz kerd û  semedê wayîrvejîyayîşê ziwanê dayîke veng da.

Eşkerayîye wina ya:

 ‘‘Roja ziwanê Dayîke ya Mîyaneneteweyî sere de Rayberê Têkoşînê Azadî Rayber Apoyî rê, şehîdanê têkoşînê azadî rê û heme şarê ma rê pîroz bo’’

Ziwan ke çîyê tewr sereke yê merdimîye û komelîye yo, afirnayîş û averşîyayîşê merdimîye de zî çîyêko tewr muhîm o. Ziwan bingeyê awanbîyayîşê hişmendîya komelan û awankerdişê komelan o. Mîyanê ziwanî de tarîx, nasname, edebîyat, huner û felsefeyê ê şarî nimiteyo.

Şar, wexto ke wayîrê ziwanê xo bivejîyo beno şar û tena wina eşkeno komelbîyayîşê xo bipawo û aver beno. Şar, çend ziwanê xo yê dayîke aver berdo, hende eşkeno standartê cuya xo zî hende aver bero. Komelo ke ziwanê ci ci rê ameyo qedexekerdene, ziwanê xo vindî kerdo û dekewto binê destê kolonyalîst û bandera ziwanêkê bînî, o komel bi asîmîlasyon û qirkerdişî rê rî bi rî mendo. Rayîro yewin ê asmîlasyonî, qedexekerdişê ziwanî yo. Bêşik seba komelêkî, rijîyayîşê tewr pîl neqiseykerdişê ziwanê xo, xovîrrakerdişê ziwanê xo û dûrkewtişê ziwanê xo yo.

Eşkera yo ke wexto ke komelêk ziwanê xo, kulturê xo, nasnameyê xo û tarîxê xo xo vîr ra bikero, no qirkerdişê ê komelî yo. Coka ma bi wesîleyê serrgêra Roja Ziwanê Dayîke ya Cîhanî de, ma sey Komîteya Perwerdeyî ya KCKyî ma venga heme mamoste, akademîsyen, xebatkaranê perwerdeyî û keyeyan danê ke wa rayîr nêdê rejîmê çeteyî yê Erdogan û Bahçelîyî. Êyê ke nê erdlerzî de zî seba îqtîdarê xo rayîran gêrenê. Rayîr nêdê nê rejîmî ke hem verê erdlerzî hem zî erdlerzî ra dima şarî rê mergî ferz keno. Gedeyanê ma binê nameyê dersanê dînî de teslîmê terîqatan keno. Coka ewro berpirsyarîya pêroyê perwerdekaran a ke şertê Halê Îstîstanî nas nêkerê, gedeyanê ke hewcedarîya înan bi hetkarîya psîkolojîkî est a, înan tena nêverdê. Ewro, her wextî ra zafêr her warê cuye de wayîrê ziwan, nasname û perwerdeyî bivejîyê.’’