Mehmet Ocalano ke birayê Rayber Apoyî o û wasîyê ey Mazlûm Dînç, Alî konar o ke birayê Omer Hayrî Konarî yo, Polat Yildirimo ke birayê Hamîlî Yildirimî yo û Melîhe Çetîna ke waya Veysî Aktaşî ya, seba pêvînayîşî Serdozgerîya Bûrsa de muracatê Îmraliyî kerd.

Avûkatî hewteyêkî de 2 rey muracatê pêvînayîşî kenê.  La heme muracatî bi hewayêko sîstematîk bêcewab manenê.

Abdullah Ocalan 27ê nîsane 2020î de reyêk heqê telefonkerdişî girewtbî. 25 adare 2021î de seba ke medyaya dijîtale û rayapêroyî de îdîayî vêşî bîyê, Ocalan bi birayê xo Mehmet Ocalanî telefonî redye qisey kerdbî. La beleê Mehmet Ocalanî dîyar kerdbî ke qiseykerdiş ameybî birnayene.

25ê adare 2021î ra yo ke, Rayberê Şarê Kurdî Abdullah Ocalanî ra xebere nêyena girewtene.