Vejîya orte ke badê erdlerzê Mereşî ke 44 hezaran ra zafêr kesan dinyaya xo bedilnaye, Kizilayo ke tim yeno rexnekerdene roja hîrên a erdlerzî de bi vaya 46 mîlyon TLyî xeymî rotî AHBAPî.

Seba ke Kizilay xeymî rotî komeleya AHBAPî endamanê Partîya Karkeran a Tirkîya (TÎP) vizêr  verê banê partîye yê Îstanbulî de ameyî têhet ke çalakîya protestoyî bikerê. Polîsan hêriş kerd xeylêk kesî pê îşkenceyî destbend kerdî.

Endamê TÎPê ke pê îşkenceyî ameyî destbendkerdene mîyanê înan de avûkatî û endamê Heyetê Rayberdişî yê Merkezî est ê. Ame vatene ke kesê ke ameyî destbendkerdene, înan ra tayî semedê hetkarî şibî Hatay.