Hemsereka Kongreya Neteweyî ya Kurdîstanî (KNK) Zeynebe Murad derheqê pêvînayîşanê înan ê Başûrê Kurdîstanî de eşkerayîyêke weşanaye.

Zeynebe Murad da zanayene ke înan pêvînayîşanê xo de tesbît kerd ke Başûrê Kurdîstanî de zemînê yewîya neteweyîye esto û vat: ''Ma pê bawer ê ke pê xoverdayîşê neteweyî, pê paştdayîşê dewa û pawitoxanê azadîye ma do hêrişan û qirkerdişanê îşxalî bişiknê.''

Zeynebe Murad bala ante tewirê PDKyî yê derheqê yewîye de û vat: ''PDKyî hema zî cewab nêda waştişê ma yê pêvînayîşî. Ganî ê eşkera bikerê ke çira cewab nêdanê ma. Berê pêro partî û rêxistinan ê bînan ma rê akerde yê.''

Zeynebe Murad îfade kerd ke înan Başûr de di mengan karî kerdî û vat: ''Bi her hawayî ganî merdimî vera îşxalî wurzê payan ser. Kurdî her wextî ra zêdêr hewceyê yewîye yê. Meseleya şerê zereyî ganî pê dîyalogan yew masa de bêra safîkerdene. Semedo ke yewîye û paştdayîş nêno caardene cepheyê pawitişê Kurdîstanî qels  benê. Sey KNKyî ma xîret kerd ke partî, rêxistin, medya, fraksîyonan bivînê. Ma venga pêro partîyanê Kurdîstanî danê ke vera îşxal û hêrişan tewirê xo bimojnê. Sere de cinî û ciwanî ma venga pêro kesan danê ke verê şerê zereyî bigêrê, îşxalê Tirkîya vindarnê.''