Serçete û lîderê mafya Sedat Peker vîdeoyê xo yê peyênî de vatbi ke 'Komeleyê Almanya embazê hol ê. Ez înan ra hes kena. Mîsal înan waşt, mi nimitkî ra înan rê pere erşawit.' Pekerî bi nê hawayî îtîraf kerd ke ey rêxistinîya çeteyan a îqtîdarê AKP-MHPyî ya Almanya rê pere erşawit.

Wekîla Partîya Çepe Ulla Jelpkeya ke xeylêk reyî têgêrayîşê MÎTî û 'destê gemarinî' yê Erdoganî vistî rojdem û waşt ke wa babete bêra cigêrayene. Jelpke vat Osmanen Germania ra ber beno ke komê bînî zî estbê.

Jelpke ANFyî rê qisey kerd û vat: ''Dezgehê ke Pekerî qala ci kera bi taybetî wextê weçînayîşî de hetê AKP û Tirkîya ra şuxilîyenê. Almanya îtîrafanê pekerî cidî vînena. Ez hukmatê federalî û yewinanê asayîşî ra hêvî kena ke ê do îtîrafanê Pekerî cibigêrê ke Osmanen Germania ra ber kamyew komî ameyê fînanskerdene.

Beno ke nê komî paştdayîşê mafya gênê, wayîrê çekan ê. Ganî nê komê Tirkîya bêrê cigêrayene. Almanya ganî têna dîmenanaê Pekerî temaşe bikera. Çinkerdişê torra ajanîye ya MÎTî zaf girîng a.''

Vervatoxa Karanê Zereyî ya Partîya Çepe Jelpke peynî de hukmatê federalî ra waşt ke wa komanê faşîstî-nîjadperestan ê îqtîdarê MHP û DÎTÎBî tay verarê xo bikera. Jelpke vat nê komî seba muxalîfan, kurdan û elewîyan tehlukeyêko pîl o.