Taxa Karşikaya ya Mûşî de kursê Quranî de domano 12 serre daliqneye amebi vînayene. Keyeyê ci eşkera kerd ke domanê înan xo nêkişto, ameyo kiştene.

Goreyê zanayîşê ke dewijan ra ame girewtene bajar de qewimîyayîşê hêrişê cînsî û xokiştişî zêdîyene la serê înan yeno girewtene.

Dewijan da zanayene ke par dewa Kodî ya Mûşî de kursê Quranî ke bi seyan domanî tede bî hîrê domanî raştê hêrişê cinsî ameyî. Hêrişkaro ke 22 serrî kurs de melatîye kerde, tepişîya erzîya zîndan. Badê qewimîyayîşî xeylêk keyeyan domanê xo kursî ra girwetî. No serebût ame nimitene û derheqê kursî de çîyêk nêame kerdene. Dewijan waşt ke wa vera nê kursî mudaxale bêro kerdene.