Endamê Heyetê Rayberdişî yê Merkezî yê Partîya Çep a Keske Cahît Kirkazakî pare kerd ke ê do têkoşîno ke HDPyî ardo na aste do hîna geş bikerê û vat: ''Hedefê ma no yo ke ma se ra 20 derbaz bikerê û temsîlîya şarî bizêdînê.''
Endamê Heyetê Rayberdişî yê Merkezî yê Partîya Çep a Keske Cahît Kirkazakî derheqê weçînayîşan de ANFyî rê qisey kerd.
Cahît Kirkazakî da zanayene ke eke HDP bêro qefilnayene zî ê do şarî bêalternatîfî meverdê û vat: ''Partîya Çep a Keske 51 şaristanan û 235 qezayan de rêxistinkerde bîye. Ma armanc kenê ke 81 şaristananê Tirkîya de xo rêxistin bikerê. Ma seba weçînayîşan amade yê.''
Kirkazakî ard ziwan ke ê armanc kenê ke alaya ke HDPyî arda nê rojan aver berê û vat: ''Sey Partîya Çep a Keske ma HDPyî ra cîya nîyê, ma beşê heman têkoşînî yê. HDPyî weçînayîşanê 2015î de se ra 13,2 vistbî destî. HDPyî kîmyaya îqtîdarê faşîstî şiknaye. Nika her kes fikirîyeno ke Partîya Çep a Keske do biba alternatîfa sereke. Seba ma arîtmetîkê parlamentoyî zaf girîng o. Hedefê ma no yo ke ma se ra 20 derbaz bikerê û temsîlîya şarî bizêdînê. Partîya ma partîya pêro mexdûranê sîstemî ya. Ma pê bawer ê ke kesê ke azadî, haştî, demokrasî û têdûştîye wazenê, tercîhê xo raşt bikerê.''
