Bajarê Marsilya yê Fransa  û paytextê Îngîlîstanî London de kurdan îqtîdarê AKP-MHPyî yo ke berpirsîyarê rijnayîşê erdlerzî yo, protesto kerd.

Çalakîyan de sere de semedê şarê herêmanê erdlerzî serweşî û şîfa ameye waştene û bale ameye antene serê muhîmîya yewîye û paştîdayîşê şaran ser.

Qiseykerdişan îqtîdarê AKP-MHPyî yo ke tedbîrê erdlerzî nêgirewtî û badê erdlerzî şar bêwayîr verda û hetkarî nêkerd, sey berpirsîyarê felakete ame hesibnayene û ama vetene erdlerzî herême lerzna la bêxemîya dewleta tirke bîye sebebê mergan.

Çalakîyan de semedê xurtkerdişê paştîdayîşî ame ame vengdayene û ame vatene ke pê paştîdayîş û hetkarîye birînî eşkenê bêrê piştene.