Meclîsê Ciwanan ê HDPyî merkezê pêroyî yê partîye de bi rojdemê weçînayîşî kom bş. Meclîsê Ciwanan dima verê partîye de eşkerayîye daye û bi şîarê ''Reyna ciwanî, reyna serewedaritişî'' xebatê weçînayîşî dayî destpêkerdene.

Hemvervatoxa Meclîsê Ciwanan ê HDPyî û Wekîla HDPyî ya Amedî Dêrsime Dag kurdîya eşkerayîye wende.  

Eşkerayîye bi kilmî wina ya:

''Seba ke polîtîkayê ciwanan hetê ciwanan ra bêrê dîyarkerdene û bêrê îdarekerdene ma do Wezîrîya Ciwanan awan bikerê. Ma do sey cinîyan ê ciwanan cuya azad û têdûşte awan bikerê. 

Embazê ercîyayeyî; ma do pîya bixebitê û ma do pîya ser bikewê. Bi taybetî ciwanê ke reya verêne ray dane, wa xo şaş nêkerê. Ma do raya xo 81 şaristanan de bidê Partîya Çep a Keske. Partîya Çep a Keske partîya to ya. Eke sîyaset de ti çin bo demokrasî qels a. Rayîrê serkewtiş û demokrasî to ra derbaz beno. Ti do AKPyî bin bivisnî. 

Ciwanê ercîyayeyî; eşqê ma cuya azad a, erşqê ma têdûştî, şoriş û sosyalîzm o. Ma do cuya azade û têdûşte awan bikerê. Ma do şorişêkî bikerê, sosyalîzmî bîyarê ca. Ma do pîya bixebitê û pîya ser bikewê. Ma ciwan ê, tîya de yê, ma do bivurnê.''