Komeleya Cigêrayîşanê Kultur û Ziwanî yê Mezopotamya  (MED-DER) seba ke Serekê Pêroyî yê Partîya Memleketî Muhharem Înceyî vato kurdkî goreyê pedagojî nêyo û vera perwerdeyê kurdkî vejîya, nêrazîbîyayîş ramojna.

MED-DERî ke derheqê babete eşkerayîya nuştekîye daye nê vatî: ''Wa Muharem Înce gureyê xo bikero, karê xebatê ziwanî û pedagojî karê ey nêyê. Înceyî bi serran mamosteyîya fîzîke kerde la mamosteyîye ra xebardar nêyo. Hayîya ey ne pedagojî ra ne zî kurdkî ra esta, ê têna cahîlîya xo arde ziwan.''

Eşkerayîye de ame vîrardene ke kurdkî wayîrê tarîxê panc hezar serran a û kurdan bi ziwanê xo bi desan medenîyetî nayî ro û ame vatene ke ziwanê kurdkî anor, estbîyayîş û şayîya kurdan o.