Merkezê erdlerzî Mereşî de hema zî xeylê xirbî est ê ke mudaxele nêameyo kerdene.  Xeylê rayîranê pîlan ra xebatî dewam kenê la hema zî kuçeyan ra mudaxele nêameyo kerdene û tozê xirban ra vêşêr çend ke şino boya meyîtan zî derûverî ra vila bena.

120 hezar kesan koç kerd

Yeno zanayene ke 120 hezar kesan mecbûr mendê ke merkezê bajarî ra koç bikerê.

Şar seba ke hûmara merdîyanê erlerzî hûmarêka bîne vano. Şarê bajarî dîyar kerd  ke hûmara rastêne nêyena vatene. Kesê ke merkezê Mereşî de dinyaya xo bedilnaya 15 hezarî zafêr ê û yeno zanayene ke hema nêzdîya 200 kesî binê xirban de yê.