Hatay de tesîrê erdlerzî sey roja yewine dewam kenê. Mexdûranê erdlerzî ra Fehîme Nohut derheqê babete de ANFyî rê qisey kerd.

Keyeyê Nohute qezaya Armutluyî de zerarêko pîl dî. Nohute pare kerd ke 4 rojan kes nêameyo hetkarîya înan û cîranê ci binê enkazî de pê hewaran merdê. Nohute da zanayene ke seba ke xeyme nêdîyaya înan wesayît de manenê.

Nohute vat: ''Ne werd est o, ne cayê robarkerdişî ne zî pereyê ma est o. No iqtîdar, na dewlete kamca de yê? Mi weçînayîşanê verênan de raya xo dabî Erdoganî la nika ez zaf poşman a. Erdoganî sozê xo nêardî ca. Eke na roja afatî de ê hetê ma nêgênê wa hînî tewr nêrê tîya. Ma wina eşkenê xo îdare bikerê. Erdoganî vat ke banan virazo û bi pereyî bido ma. Kiliçdaroglu zî vano ke o do bêpere banan bido ma. La ez hînî nînan ra bawer nêkena. Kam ke bibo îqtîdar şarî xo vîr a keno. Kursîya îqtîdarîye seba înan muhîm a. La bê şarî çew nêeşkeno bibo îqtîdar. Ma hînî na raştîye zanenê.''