Dadîy 3 domanan Aylîne Mutlu taxa Ekîncî ya Hatayî de mendêne la erdlerz de keyeyê ci zaf zerar dî. Mexdûra erdlerzî Aylîne Mutlu wazena lajê xo yê 9 serrî rê çimêkê protezî yo newe bihêrîna û seba ney zî her kesî rê ardim waşt. Aylîne ard ziwan ke çimê lajê ci dergûşîya xo ra nata nêvîneno û protezê ci zî hînî ci rê bîyo qij.

Aylîne da zanayene ke a, domanê ci û mêrdeyê ci xeyme de manenê û vat: ''Xeyme de cuye zehmet a. Ma bi rojan gêrayî bedanîya. Tîya de qasê 20 keyeyî ma binê xeymanê sera de manenê. Lajê min o Mehdî cara çimê xo ra nêweş o. Tîya de pakîye çin a û rîskê enfeksîyonî pîl o. Beno ke çimê lajê mi enfeksîyon bigêro. Yew çimê lajê mi Mehdîyî de protez est o la protez hînî çimê ci rê bîyo qij. Ganî ma protezêkê neweyî bihêrînê. Protez vay o, hendê ci qewetê ma çin o.  Ez her kesî rê ardim wazena. Domanî tîya de cara perwerdeyî ra bêpar mendî, psîkolojîyê înan xeripîyayî. Seba protezê lajê xo ma rê ardim lazim o. Ez hêvî kena ke no ardim do bêro peydakerdene.''