Bajarê Cape Townî yê Afrîkaya Başûre de serkêşîya Grûba Xebate ya Heqanê Merdiman a Kurdan û Înîsîyatîfê Azadîye seba Abdullah Ocalanî yê Sûrîye de tarîxanê 28ê sibate û 1ê adare de konferanê ''Abdullah Ocalanî rê Azadîye Dinya rê Haştîye û Îstîkrar'' ame kerdene.

Endamê Înîsîyatîfê Azadîye seba Abdullah Ocalanî yê Sûrîye Ferzende Munzuro ke tewrê konferansî bi, ANFyî rê qisey kerd.

Ferzende Munzurî ard ziwan ke konferansê Capê Townî bi xebatêka hempare ame kerdene û vat: ''Hîrê aşmî hazirîya ci ameyî kerdene. Ma sey heyetêk şîyî Afrîkaya Başûre. Konferans de muneqeşeyê zaf erjîyayeyî û muhîmî ameyî destgirewene ke merkezê înan de pawitişê Rayberîye bibî. Ercnayîşê seba dewaya kurdan pozîtîf bî. Bale ancîyaye serê letekerdişê herra Kurdîstanî ser û ame vatene ke sey her şarî gerek şarê kurdî zî herra xo de azad biciwîyo.

Tewrbîyayoxanê konferansî vat çîyo tewr muhîm azadîya fîzîkîye ya Rayber Apoyî ya ke gerek bêro caardene. Rayber Apo sey fîlozof û Rayberê Şarê Kurdî ra zafêr sey rayberê dinya ame namekerdene. Heta sey Mandalayî Abdullah Ocalanî zî sey rayberî vînenî. Semedê azadîya fîzîkîye ya Abdullah Ocalanî do xebate sîyasî û huqûqî bizêdîyê. Şexsîyetê muhîmî tewrê konferansî bîyî. Qiseykerdoxan ar ziwan ke gerek fîkr û felsefeya Rayber Apoyî zafêr bêro naskerdene, coka gerek kitabê ey bêrê vilakerdene û wendene. Ame  vatene ke mekteb û unîversîteyanê Afrîkaya Başûre de do kitabê Abdullah Ocalanî vejîyê vernî.

Ma zaf pê keyfweş ê ke nuştox, roşnvîr, şorişgêr û temsîlkarê partîyanê sîyasîyan ê Afrîkaya Başûre semedê Rayber Apoyî wina têkoşîn kenê. Konferans de qerarê muhîmî ameyî girewtene ke înan ra tay wina yê; semedê şiknayîşê tecrîdî û azadîya Rayber Apoyî cehdkerdişê sîyasî û huqûqî do bizêdîyê, vera hêrişanê dewleta tirke yê vera Herêmanê Pawitişî yê Medya û Rojawanî têkoşîn bêro kerdene, unîversîteyanê Afrîkaya Başûre de kitabê Rayber Apoyî bêrê wendene û panel û semînere ke qala têkoşînê ci kenê bêrê kerdene. Domanê Afrîkaya Başûre do bi fikr û felsefeya Rayber Apoyî bêrê pîlkerdene.''