Îstanbul de vizêr nîjadperesto bi nameyê Mehmet Beyazitî bi vatişê ''şima terorîst ê'' hêrişê bînaya HDPyî ya Îstanbulî kerd. Beyazito ke  hetê partîyijan ra ame astenkerdene, dima ame destbendkerdene û edlîye rê ame sewqkerdene.

 Nîjadperest Mehmet Beyazit hetê Dadgerîya Ceza Sulhî ya 7ine ra seba ke di rey rîyê nêweşîya psîkoljîkî ra nêweşxane de mendo, ame veradayene.

Avûkatanê HDPyî û partiyîjan vera nê nêrazîbîyayîş mojna û vat HDP bi hewayêkê sîstematîkî raştê hêrişanê winayênan yeno û hukm bi polîtîkaya bêcayîye serê na rewşe qefilneno ke no zî verê hêrişanê neweyan akeno.