261 cenazayê ke Goristanê Garzanî yê Bedlîsî ra ameybî remnayene Goristanê Kîlyosî de kişta rayîrî de û warê herinda 18 goran de pêser ameyî definkerdene.  Bado ke Ajasê Mezopotamya dîmenê talî qewimîyayîşî bare kerdî avûkatanê Komeleya Huqûqnasanê Seba Azadîye (OHD)  derheqê babete  cigêrayîş kerd û raporêk amede  kerd.

Raporê  de nê ameyî parekerdene: ''Cenazayê ke Goristanê Garzanî ra ameyî vetene kişta rayîrê Goristanê Kîlyosî de ameyî definkerdene. No goreyê hûqûqî û ewleqî nîyo. Anorê merdimîye ame binpaykerdene. Ganî derheqê berpirsîyaran tehqîqat bêro destpêkerdene. Cenazeyî cadê teslîmê merdimanê înan bibê û êyê ke nasnameyê înan nêameyî tesbîtkerdene wa goreyê usalanê ci Goristanê Ganzanî de bêrê definkerdene. Reyna seba ke 3 serrî yo ke merdimê înan dejo gird ancenê wa selahîyetdarî înan ra ozrê xo biwazê.''