Parka Sevgî bi zorê polîsan ameye vengkerdene
Çadirê paştîdayîşî yê rêxistinanê şorişger û sazgehanê komelkî yê sivîlan ke Parka Sevgî ya qezaya Defne ya Hatayî de erdlerzî ra ameyê ronayene, bi zorê polîsan ameyê hewaneyene.
Parka Sevgî de erdlerzî Mereşî ra dima rêxistinanê şorişgeran TTB, SES û sazgehê sivîlî çadirî ronaybî, nêmeyê şewe polîsan ê çadirî hewanayê.
No hewteyêk bî ke wezîfedaranê walîtî û polîsan tacîzê ê çadiran kerdêne, waştêne ke înan parke ra bivejê. Seba ke şarî rêxistine û TTB pawit, polîsî nêeşkîyayê înan parke ra bivejê.
TTB û rêxistinanê sivîlan xover da û dima dewlete qebul kerd cayo ke TTB û SES dîyar kerdo, uca de bi ca bibê.
Zerrîwazan dîyar kerd ke, wexto ke wezîfedaran reyde qisey kerd, wezîfedaran vato ke, Suleyman Soylu ferman dayo înan ke teqez hetkarîya rêxistinan nêkerê.
