Partîya Çep a Keske herêmanê erdlerzî de zî xebatanê xo rayra bena. Semsûr de amadekarîya xurte yena kerdene. Hemserekê Partîya Çep a Keske yê Semsûrî Bakîr Gurbuzî derheqê xebatanê înan ê vîjnayîşî de ANFyî rê qisey kerd.

Gurbuzî bale ante tradîsyonê Partîya Çep a Keske ser ke yew nasname û kulturê ci est o  û vat:  “Seba ke vera partîya ma dewaya qefilnayîşî yena domnayene ma bine nameyê Partîya Çep a Keske de kewnê vîjnayîşî. Xora zehmetîye nê zî est ê. 

Îqtîdarî erdlerz de wextî de mudaxaleyê Semsûrî nêkerd. Xora bi xo zî no îtîraf kerd. Ma sey partîyanê sîyasîyan û platformê demokrasîyî tîya paştî daye şarê xo, birînê ci piştî. Komelî zî dahîna zelal dî ke kam hela tengê de cayê ci de yo. No semedê ma avantaj o. Ma ewro zî xebatanê weçînitişî de qala texrîbatanê îqtîdarî kenê.

Şarê Semsûrî wazeno xo azad îfade bikero û bananê mehkeman de biasayîş biciwîyo. Ma zî seba ke nê waştişanê ci bîyarê ca xebiteyenê. Rixmê heme zextanê îqtîdarî, destbendkerdiş û tepiştişî ma  sey partiye do çirey peyser game meerzê. 15ê gulane de gerek no welat roja newî rê hîşyar bo. Ma amadeyê ke a roja newî de pîya bi şarê xo welatê xo newe ra înşa bikerê.”