Wekîlê HDPyî yê Îstanbulî Musa Pîroglu û Hemsereka HDPyî ya Anqara Pakîze Sînemîllîoglu derheqê weçînayîşanê verê ma de ANFyî rê qisey kerd.

Wekîl Musa Pîrogluyî ard ziwan ke nê weçînayîşî weçînayîşê tewr krîtîk ê û vat: ''Nê weçînayîşan de hukmat ney rejîm do bêro vurnayene. Ya Erdogan bimano û şertannê vurnayîşê hukmatî do bivurîyê yan zî ma zî pîya verê ney bigêrê. Ma do nê sîstemê zorbazî birijnê la ganî ma herinda ci de zî sîstemêkê neweyî awan bikerê. Eke nê sîstemê neweyî de cinî, bindest, karker û kedkarî wayîrê vateyêkî nêbê o çax sîstemê Erdoganî do abigêro. Coka ma do verî Erdoganî bin bivisnê dima zî bikerê ke Partîya Çepe ya Hewze bi hawayêkê xurtêrî şoro Meclîs.Ma do partîya xo reyde şorê Meclîsî û vengê şarê xo, xurtî ra bidê eşnawitene.''

Pîrogluyî eşkera kerd ke îqtîdarê AKP-MHPyî seba ke nêşoro muracatê pêro rayîran bikero û vat: ''Ma wayîrê ê hêzî yê ke verê ney bigêrê. Teyna wa nê bi mîlyonan kesî wayîrê îradeyê xo vejîyê.''

Hemsereka HDPyî ya Anqara Pakîze Sînemîllîoglu zî bale ante ser ke nê weçînayîşî seba destpêkî noqtaya tewr girîng ê û vat: ''Ma eşkenê peynîya nê zulmî bîyarê û bingeyê komara demokratîke bierzê. Ma do nê talan, rant û zulmê 21 serrî rê vajê ney, şerê vera kurdan rê vajê ney. Seba ke cinî, ciwan, kedkar û karkerî na dîktatorîye ra bixelisê ma şinê weçînayîşan. Ma tîya de yê, pîya do ser bikewê. Ma Partîya Çepe ya Hewze rê vajê 'heya' û pîya bivurnê.''