Mayanê Şemeyî ke hewteyê 942. yê çalakîya xo de  waşt Meydanê Galatasarayî de semedê persayîşê aqibetê merdimanê xo yê ke bi destê dewlete ameyî vînkerdene, eşkerayîye bidê raştê hêrişê polîsan ameyî

Mayê ke bi fotografanê merdimanê xo Meydanê Galatasarayî de ameyî têhet hetê polîsan ra gerîyayî binê ablûqa. Polîsan nêverda eşkerayîye bêro dayene û hêrişê mayan kerd û Hemsereka ÎHDyî ya Îstanbulî Gulserene Yolerî zî tede 12 kesî destbend kerdî.

Mayê ke ameyî tepiştene fotografê vînîbîyayeyan dayî camanê wesayîtê desbendkerdişî ro û nîşanê serkewtişî kerd.

Nameyê kesanê ke ameyî destbendkerdene wina yê: Hanime Tosun, Hanife Yildiz, Ali Ocak, Besna Tosun, Mikail Kirbayir, Jiyane Tosun, Gulserene Yoleri, Faruk Eren, İrfan Bilgin, Hasan Karakoç, Kenan Yildizerler, Zekine Turkeri.