Prof. Dr. Melih Buluyo ke  bi qerarê Serekkomarê Tirkî Recep Tayyip Erdoganî Unîversîteya Bogaziçi de sey rektorê qeyûmî amebi cakerdene, wezîfeyê ci ra ame girewtene. Qerar rojnameyê fermî de ame parekerdene.

Wendekar û akademîsyananê Bogaziçi qeyûm qebul nêkerd û seba ke îstîfa bikero çalakîyî kerdî. Çalakîyanê ke bi mengan dewam kerd de xeylêk wendakarî ameyî destbendkerdene û tepiştene.

Paştdayîşê Bogaziçi wina vat: Ma roja verêne ra vanê ke ma qeyûman qebul nêkenê. Vera heme qeyûmanê ke şaredarî û unîversîteyan de ameyî cakerdene têkoşînê ma do dewam bikero. Heme qeyûmî do şirê.