Rojawanê Kurdîstanî de bi şîarê 'Jin, Jiyan, Azadî' çalakîyê Roja Têkoşînê Vera Şîdetê Serê Cinîyan a 25ê Teşrîna Peyêne dewam kenê.

Amûdê de Kongreya Starî bi beşdarîya 60 camêrdan bi serrnameyê ''qanûnanê keyeyan, cuya têdûşte û cînsîyetê komelkîyî' ser o perwerde dano.

Til Hemis de Kongreya Starî şîdetî ser o semînerêk da.

Tebqa de Partîya Ameyoxê Sûrîye derheqê rolanê cinîyan ê mîyanê partîyan û sîyasetî de kargehêk awan kerd.

Heleb de hetê Yewîya Roşnvîran a Helebî ra bi sernameyê 'manaya azadîye û cînsîyetê komelkîyî' de panelêk ame viraştene.

Şehba de bi seyan cinîyan û camêrdan vera şîdetî rayraşîyayîş kerd. Camêrdan pankartê bi nuşteyê 'Jin, Jiyan, Azadî', 'Qirkerdişê Cinîyan rê ney' kiriştî.

Şedadê de Kongreya Starî derheqê şîdetê vera cinîyan de semînerêk da.

Kongreya Starî Til Temir, Hol û Dirbêsîyê de derheqê şîdetê vera cinîyan de broşurî vila kerdî.

Reqa de Meclîsê Cinîyan ê Kongreya Îslamê Demokratîkî semînerêk viraşt.