Sakîne Cansiz, Fîdane Dogan û Leyla Şaylemez yê ke 9ê çeleyê 2013yî de paytextê Fransa Paris de ameyî qetilkerdene verê ca û saetê qetilkerdişî de verê Buroyê Enformasyonî de ameyî yadkerdene.

Aktîvîteya yadkerdişî bi rêzgirewtişî dest pêkerd û dima Endama Têgêrayîşê Azadîyê yê Cinîyan ê Kurdan Nupele Munzur qisey kerd. Munzure qirkerdiş sey dewamê komployê mîyanneteweyî hesibna û vat: ''Cinîyê kurdan hêzanê qirkerdoxan qirkerdişanê Dêrsim, Mereş, Cizîre, Silopî û ê ke her cayê Kurdîstanî ra nas kenê. Dîktatorîya Erdoganî Paris de qirkerdiş organîze kerd. Heta ke Fransa qirkerdoxan muhakeme mekero a zî sûcdar a. Ma do peyê na dewa cameverdê.''

Bi nameyê CDK-Fyî Agît Polatî zî vist vîrî ke rixmo ke 9 serrî ravêrtî hema qikerdiş nêameyo eşekrakerdene û vat: ''Îqtîdarê Fransa ganî cadê nê qirkerdişî bişikno û nê şermî biqedîno.''

Sereka Komeleya France-Kurdîstanî zî Sylvie Ja û Endamê Şaredarîya Parisî ya 10. Elie Jousslin zî tewrê aktîvîte bîyî. Slyvie vat: ''Caardişê edaletî yê na dewa ey wextî de problemê demokrasî yê Fransa yo. Coka no têna problemê kurdan nê yê Fransa yo zî.''

Badê qiseykerdişan hunermende Nuarîne deyîra "Sê jinên azad" (Hîrê cinîyê azadî) vate û verê Buroyê Enformasyonî de vilîkî ameyî ronayene.