Kurdîstanijan û dostanê înan serkêşîya Têgêrayîşê Ciwananê Şorişgêran (TCŞ) de şaristanê Strasbourgî yê Fransa de,  çarçewa Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' de rayraşîyayîş û mîtîng kerdî.

Rayraşîyayîş de bi pankartan bale ameye antene tecrîdê Îmraliyî ser. Ciwanan sloganê sey “Bijî Serok Apo” , “Bê Serok jiyan nabe”, “Ciwan fedayiyên Rêber Apo ne” , “Rejîma Tirk faşîst e” , “Libertê pour Ocalan” , “Jin, Jiyan, Azadî” vatî.

Rayraşîyayîş dima vurîya mîtîngî. Mîtîng de TCŞyî eşkerayîya xo wende. Eşkerayîye de dîya zanayene ke azadîya Rayberê Şarê Kurdî Abdullah Ocalanî azadîya kurd, cinî û ciwanan a. Ciwanan venga pêro kesan da ke seba azadîya Ocalanî têkoşînî pîlêr bikerê.