Komîteya Vergirewtişê Îşkenceyî (CPT) menga tebaxe de zîyaretê xo yê Îmraliyî ser o raporêk eşkera kerd. Rapor de ame vatene ke Îmrali de tecrîd dewam keno. Partîya Çepe ya Almanya zî bi vernîyazêk persêk amade kerd û vist rojdemê Meclîsê Federalî.

Vernîyazê persî de hetê wekîl Gokay Akbulutî ra Merkele ra persîya ke a derheqê raporê CPTyî de çi fikirîyena ke vano 'Îmrali de tecrîd mende bîyo û rixmê hîşyarîyanê 2016î zî qet yew vurnayîşêk nêame kerdene.' Reyna vernîyaz de ame îfadekerdene ke Îmrali de pêvînayîşê keye û avûkatî zî yenê qedexekerdene.

Goreyê zanayîşan selahîyetdarê hukmatê Merkele, hewteyêkê bînî do cewab bidê vernîyazê Partîya Çepe. Yeno pawitene ke Wezaretê Edaletî û Wezaretê Karanê Teberî beno ke pîya cewab bido vernîyaz.

CPTyî serra 2019î de Zîndanê Îmraliyî zîyaret kerdbi û menga tebaxa 2020î de zî raporêk eşkera kerdbi. CPTyî raporê xo de bi xurtî eşkera kerd ke Îmrali de 'tecrîdo girankerde' esto.