Goreyê zanayîşan Zîndanê Turkogluyî yê Gumgumî de tepişteyan rê teda û kerdişê xirabî yenê kerdene. Tepişte Baran Gulî pê rayîrê telefonî babîyê xo Îlyas Gulî rê qala kerdişan kerde. Baran Gulî vat: ''Semedo ke ma grevê vêşanîye de yê gardîyanan da ma ro, kerdişê xirabî kerdî. Ma rê cezaya hucreyî dîyena. Ez hewteyêk o hucre de ya. Zaf embazê mi sey mi yê. Semedo ke mi de nêweşîya cigêrî esta mi ra gonîye yena. Ma nêerşawîyenê nêweşxane. Heta ke tecrîd û binpaykerdişê heqanê ma nêqedîyê ma do çalakîyanê xo rê dewam bikerê.''

Zîndanê Amedî de zî 50 tepişteyî ameybî surgunkerdene. Nînan ra Recep Bal (38) pê rayîrê mektube qala binpaykerdişan kerde.

Recep Balî vat: ''Netîceya cezaya dîsîplînî de pêvînayîşî qedexe yê. Embazî wextêkê dergî ra nata keyeyanê xo reyde qisey nêkenê. Xeylêk embazan rê zî cezaya hucreyî dîyaye. Ez 12 serrî yo zîndan de ya la cezayê ke nê 5 mengan de dîyayê mi 12 serran de nêdîyayê. Semedo ke keyeyê mi dûr o ez nêeşkena înan bivîna. Malzemeyê ke keyeyan erşawitê apey erşawîyayî înan.''