Tepişteyanê PAJK û PKKyî bi eşkerayîyêke serrgêra ronayîşî ya PKKyî fîraz kerde.

Tepişteyanê PKK û PJAKî eşkerayîya xo de bale ante Hemleya 'Vera qirkerdişê cinîyan wext wextê cinîya azade û pawitişê komelî yo' ya KJKyî ser. Tepişteyan Roja Têkoşînê Vera Şîdetê Serê Cinîyan viste vîrî û ard ziwan ke bi paradîgmaya azadîya cinîyan a Rayber Apoyî û rayberîya PKK û PJAKî dinyayêka alternatîfe mumkîn a.

Eşkerayîya tepişteyan wina dewam kena: ''Ma do bi ruhê 14ê Temmuze bibê teqîbkerdoxê Mazlûm, Sara û Çaran û Hemleya 'Wext Wextê Azadîye yo' ya KCKyî heta ke Rayberîya ma azad bibo bi hawayêkê aktîfî têkoşîn bikerê.

Têkoşînê ma yo 43 serre bi keda şehîdan, xoverdayoxan, şarê ma û Rayberîya ma bîyo pîlêr. Têkoşînê PKKyî reyde şarê ma pê nasnameyê xo hesîya û newe ra ganî bi.

Ma sey tepişteyanê PKK û PAJKî bo coş û kelecanî serrêra ronayîşê PKKyî fîraz kenê. 27ê Teşrîna Peyêne de ma zîndananê Tirkîya û Kurdîstanî de dest pê çalakîyanê manadaran kenê. Xoverdayîşê ma vera sîstemê tecrîd û îşkenceyî yê Îmrali û îqtîdarê AKP-MHPyî yo. Ma do bi ruhê seferberîye tewrê Hemleya 'Tecrîd, Faşîzm, Îşxalî rê bes o; wext wextê azadîye yo' benê.

Seba ke tecrîdê Îmraliyî bêro wedaritene ma sey koman çalakîya grevê vêşanîye ya  rojan danê destpêkerdene. Ma reyna venga CPTyî danê ke mesuldarî û wezîfeyê xo bi hawayêkê xoserî bîyaro ca.

Famkerdişê raştîya Rayberîye, servistişê felsefeta azadîye bi esasê ruhê xoverdayoxî yê 14ê Temmuze beno.

Nê esasî ser o ma venga şarê xo, dezgeh û sazgehanê demokratîkan û rayaumûmîye danê bi hîsgerîye tewrê prosesî bibê û keda xo bizêdînê.''