Koordînatorê Komîsyonê Zîndanan ê Baroyê Wanî Abdulkadîr Kutevîyî derheqê tecrîd, grevê vêşanîye û tedaya vera tepişteyanê sîyasîyan de ANFyî rê qisey kerd.

Kutevîyî pare kerd ke derheqê grevê vêşanîye de înan Wezîrîya Edaletî û rayaumûmîya Tirkîya ra cewabêk nêgirewt û vat: ''ma qerqilîyenê ke grevê vêşanîye bivurîyo rojeyê mergî. Eke wina bo mesuldarê ci îqtîdar û terefgîrê ci yê. Mecbûr o ke waştişanê huqûqîyan û qanûnîyan ra cewab bêro dayene. Wezîrîya Edaletî ganî ney bikera.''

Avûkat Kutevîyî îfade kerd ke bi taybetî janê Korona û qanûnanê neweyan ra dima caardişê vera tepişteyanê sîyasîyan giranêr bîyê û vat: ''Pêvînayîşê bii keye, avûkatan û îmkanê weşîye yenê astengkerdene. Tepişteyê ke vera dîyayê serrêke zîndan de tepişîyenê. Derheqê na babete de muracatî zêdîyayî. Semedo ke grev biqedo, tecrîd wedarîyo û heqê tepişteyan nêrê binpaykerdene ganî selahîyetdarî gamanê cidîyan bierzê. Grevê vêşanîye zerarêkê pîlî dano hişê komelî û haştîya komelî. Ma wazenê tecrîd cade wedarîyo.''