Xîretê Edaletî yê seba Roboskî menga 102. ya Qirkerdişê Roboskî de ke tede 19ê ci domanî 34 sivîlî ameyî qetilkerdene, Şubeyê Anqara yê Komeleya Heqanê Merdiman (ÎHD) de eşkerayîyêke daye.

Endamê Xîretî Tanju Gunduzalpî vat: ''Heyfo ke 444 hewreyan ra nata ne hetê cezakerdişî û têrîbîyayîşî ra ne zî heta edalet û huqûqî ra gamêka pozîtîfe nêameye eştene. No sîstemo kolonyalîst û şer hînî ganî vindero. Ganî welatê dinya polîtîkayanê şer û asayîşî ra fek vera bidê, seba cuyêka xozayî, bêkolonyalîste, têdûşte xîret bikerê.''

Gunduzalpî ard ziwan ke nê erdî de ke bêcezaveradayîş serdest o, hema zî kerdişî nêameyî hukmkerdene û eşkera kerd no do bibo sebebê qirkerdişan ê neweyan. Eşkerayîye de ame vatene ke heta ke êyê ke bira Qirkerdişê Roboskî dayê nêrê cezakerdene, heta ke hesabê ci nêro persayene sîstemêko têdûşt nêno awankerdene.