Serekê verênî yê Koma Meclîsê HDPyî Ahmet Yildirimî derheqê weçînayîşê Serekkomarîye û weçînayîşanê pêroyîyan ê parlamento de ANFyî rê qisey kerd.

Yildirimî dîyar kerd ke ê  meseleyanê welatî reyde seba weçînayîşan xo amade kenê. Yildirimî bale ante ser ke bi taybetî erdlerzê 6ê Sibate ra dima hînî krîzo ke qewimîyeno nêno nimnayene û vat: ''Ma xeylêk krîzan reyde ver bi weçînayîşan şinê. Polîtîkayê ke waştişê vurîyayîşî yê ciwanan peygoş kenê, do qetî ser nêkewê. Dewaya qefilnayîşê HDPyî bi hawayêkê sîyasîyî ameye akerdene. La sîyasetê kurdan wayîrê tecrubeyan o. Hêrs û nefretê vera sîyasetê kurdan zî naye ra yê.''

Yildirimî îfade kerd ke weçînayîşê 14ê Gulane seba kurdan do netîceyanê girîngan bivisnê werte û vat: ''Ma do nê weçînayîşan de Erdogan û sîstemê ey ra hesab bipersê. Ma do bi hawayêkê demokratîkî warê sîyasîyî de hesab bipersê. Êyê ke xîret kenê ke ma çin bikerê, bi xoverdayîşê ma cewabê xo do bigêrê. Tarîx de îmkanêko winayên tim nêno verê ma.''

Ahmet Yildirimî venga ê kesanê ke teberê welatî de raya xo do bidê, da ke rayê înan do netîce bivurnê.