Zurih de girseyê ke bi vendayîşê rexistinanê demokratîkan, dewleta tirke protesto kerd ke çira şar terkê mergî kerdo, vat; ‘‘Ma heqê xo ê zilmkaran rê helal nêkenê ma do hesabê ci bipersê.’’
Dewleta tirke ya ke erdlerzî ra dima bi polîtîkayanê xo yê qilêrinan şar terkê mergî kerd, Swîsre de hetê rêxistinanê demokratîkan ra bajarê Zurîhî de ameye protestokerdene.
Bi vengdayîşê, CDK-S, ATÎK, ÎHDF, ÎGÎF, ÎABF, TOP, ESÛ, PYD, SYKP, MAR-DEF, DÎK, XETA SOR, FEDA, ADKM û TÎPî xeylê kesî Zurîh de ameyî têhêt û bi slogananê ‘Ma heqê xo helal nêkenê, ma do hesap bipersê’ ver bi Sersefîrîya Tirkîya rayra şîyî.
Seba ê kesan ke erdlerzî de dinyaya xo bedilnaya, deqayêk rêz ame girewtene û eşkerayîyêke ameye wendene.
Eşkerayîye nameyê TÎPî ser o Denîz Ay wend û wina ame vatene; ‘‘Erdlerzî ra 3 rojî dima zî şar binê serd û pûkî de paweyê hetkarîya dewlete bî. Kizilay çadirî rotî. Endamanê ma waşt ney protesto bikerê la derûdorê awanîya ma ame girewtene. Ma helal nêkenê, ma do hesab bipersê.’’
Afata xozayî bî felaketa dewlete
Eşkerayîya hempare, nameyê rêxistinanê demokratîkan ser o, hetê Gamze Ozkok ra ameye wendene. Ozkoke nê çîyî vatî: ‘‘Erdlerzî aşmêke vîyarta. 48 saetê destpêkî ke seba ê kêsanê ke binê xirban de yê, zaf muhîm ê, hukmatê AKP-MHPyî qet çîyêk zî nêkerd û bî sebeb ke bi des hezaran însanî bimirê. Afetêka xozayî bî felaleta dewlete.
Ma mehkûmê nê sîstemî nîyê
Goreyê melumatanê resmîyan 45 hezar û 89 kesan dinyaya xo bedilnaya, la rastîye de na hûmare resena bi se hezaran. Hukmat nê erdlerzî zî xo rê keno firsendêk û seba ke bieşkîyo demografayaya herême bibedilno, xebitêno. No sîstem seba qirkerdişê karker, kedkar, elewî, asûrî, ermenî û şorişgeran bi zîhnîyetê yewperest û sentezkarî yê Tirk-Îslamî ameyo rêxistinkerdene. Coka dişmenê şarî yo. Ma mehkûmê nê sîstemî nîyê.
Ma do dej û şînê xo bibedilnenê bikerê hêrs. Bêrê ma heme bindestî seba awankerdişê welatê demokratîk û azadî bibê yew. Ma heqê xo ê zilmkaran rê helal nêkenê û ma di hesabê ci bipersê!’’
8 Mart’ın kendileri için dirilişi ifade ettiğine dikkat çeken YJA-Star Gerillası Viyan Avesta, “8 Mart’ı bize hediye eden Önderliğimizdir, bundan dolayı kadın kimliği temelinde kendimizi yenilemeyi ve Önderliğin fikirleriyle kendimizi bütünleştirmeyi esas almalıyız”
