AKTUEL

Xeberê peyênî

• Cinîyan ê kurdan Bielefeld de nîjadperestî şermezar kerde 

  Cinîyê kurdî şaristanê Bielefeldî yê Almanya de vera nîjadperestî û pederşahîye vejîyayî meydanan.
• KCDK-E seba çalakîyanê 13ê hezîrane veng da 

  KCDK-E venga şarî da ke vera hêrişê dewleta tirke yê vera Başûrê Kurdîstanî tewrê çalakîya 13ê hezîrane bibo û xoverdayîş xurt bikero.
• Kurdanê Swêdî derheqê Palmeyî de veng da 

  Merkezê Komelê Demokratîkî yê Kurdan ê Swêdî dezgehanê sîyasetî yê Swêdî ra waşt ke şarê kurdî ra uzrê xo biwazê.
• DÎSK-NL: Hûmara bêkaran 13 mîlyonî derbaz kerdî 

  Merkezê Cigêrayîşî yê Konfederasyonê Sendîkayanê Karkeran ê Şorişgêran (DÎSK-NL) pare kerd ke doneyê hukmatî yê ke weşanîyayî raşt nîyî û hûmara bêkaran 13 mîlyon kesî derbaz kerdî.
• Milîsanê HBDHyî seba Kasim Engînî çalakîye kerde 

  Milîsanê Qesasî yê Dîlane Kortak ê HBDHyî seba vîrameyîşê Endamê Komîteya Merkezî ya PKKyî Kasim Engîn çalakîyêka cewabdayîşî daye.
• Nobetdarî do hînî bieşkê sey polîsan têbigêrê 

  Vernîyazê Qanûnê Nobetdaranê Kuçe û Taxan o ke seba xebitnayîşê çeke heq dano nobetdaran, Meclîs de ame qebulkerdene.
• Elewîyî do seba Turgut Oker 'Nobeta Edaletî' bigêrê 

  Elewîyê endamê AABK, AAKB û AAGByî seba Serekê Rûmetî yê AABKyî Turgut Okero ke derheqê ci de qedexeyê teberê welatî esto roniştişê ci yê 18ê hezîrane ra verî 13ê hezîrane de do her cayê Ewropa de 'Nobeta Edaletî' bigêrê.
• Nisêbîn û Pirsûs de 9 kesî ameyî destbendkerdene 

  Qezaya Nisêbînî ya Mêrdînî de û qezaya Pirsûsî ya Riha de polîsanê tirkan eşt keyeyan ser û 9 kesî dest bend kerdî.
• Kasim Engîn Atina û Êrîvan de ame yadkerdene 

  Endamê Komîteya Merkezî ya PKKyî Kasim Engîn Atina û Êrîvan de ame yadkerdene. Merasîmê yadkerdişî yê Atina û Êrîvanî de hêrişê vera HDPyî zî ameyî protestokerdene.
• Tepişteyî dest pê çalakîyanê hîşyarkerdişî kenê 

  Tepişteyanê zîndananê Tirkîya pare kerd ke wextê janî de tedaya vera nînan zêdîyaye û îfade kerd ke seba hîşyarkerdişî ê do dest pê çalakîyan bikerê.
• Yewinanê Qesasî Wan û Îstanbul de tay çalakîyî kerdî 

  Yewinanê Qesasî Wan û Îstanbul de tay çalakîyî kerdî û vat: ''Ganî her kes verê xo bido Kurdîstan, vera dişmenan şer bikero.''
• 'Eke çew vengê mi nêeşnawo ez do bimira' 

  Tepişteyê nêweşê kanserî Mehmet Salîh Fîlîz vat: ''Eke çew vengê mi nêeşnawo ez do bimira.'' û seba paştdayîşî veng da.
• Kasim Engîn Lavrio de ame yadkerdene 

  Endamê Komîteya Merkezî ya PKKyî Kasim Engîn Lavrio de pê rayraşîyayîşêk ame yadkerdene.
• Mersîn de terorê polîsan: 4 kesî ameyî destbendkerdene 

  Mersîn de polîsanê tirkan xebatkaranê HDP û Kargehê Hunerî yê Akdenîzî hedef kerdî û sereştişanê keyeyan de 4 kesî dest bend kerdî.
• Avûkatan seba pêvînayîşê Îmraliyî muracat kerd 

  Avûkatanê Rayberê Şarê Kurdî Abdullah Ocalanî seba ke muwekîlê xo reyde pêvînayîş bikerê muracatê Serdozgerîya Komare ya Bursa kerd.
• Dîlok de 30 rojan pêro çalakîyî qedexe yê 

  Dîlok de çarçewa tedbîranê vîrusê Korona de pêro çalakî, rayraşîyayîş û kombîyayîşî seba 30 rojan ameyî qedexekerdene.
• Amed û Adana de 13 kesî ameyî tepiştene 

  Amed de 6 û Adana de zî 7 kesê ke ameybî  destbendkerdene pê îdîaya ''endamîya rêxistine'' ameyî tepiştene.
• DFGyî rojnameger Akdemîr yad kerd 

  Komeleya Rojnamegeran a Dîcle û Feratî (DFG) muxabîrê Ozgur Gundemî Hafiz Akdemîr yad kerd ke serra 1992î de amebi qetilkerdene. DFGyî vat: ''Qelema ey erdî de nêmende.''
• Buldane: Berê ma seba îtîfaqî akerde yo 

  Hemsereka Pêroyî ya HDPyî Pervîne Buldan pare kerd ke ê amade yê ke welat îdare bikerê û AKP-MHP rewşêka çetine de yê. Buldane qala girîngîya îtîfaqî kerde û vat: ''Seba îtîfaqî berê ma seba pêro partîyanê muxalefetî akerde yê.''
• Hûmara 205. a Stêrka Ciwan vejîyaye 

  Kovara ciwanan Stêrka Ciwan hûmara xo ya 205. pê manşetê ''Şerê şarî yê şorişgêrî berz bikerê, kolonyalîzm û kapîtalîzm birijnê'' weşanaye.
• Yewîya Ewropa 485 mîlyon euroyê bînî dana rejîmê Erdoganî 

  Gef û şantajê Erdoganî yê ke pê rayîrê multecîyan Yewîya Ewropa rê waneno reyna tesîr kerd. Brukselî paketa hetkarîye ya 485 mîlyon euroyî seba Anqara tesdîq kerde.
• YPSyî bîlançoya mengane ya çalakîyan eşkera kerde 

  YPS û YPS-JINî bîlançoya mengane ya çalakîyan eşkera kerde û vat: ''Ma do nêverdê ke cergê AKP-MHPyî Kurdîstan de bimanê.''
• Swêd de darbeya AKP-MHPyî ameye şermezarkerdene 

  Swêd de darbeya ke AKP-MHPyî meclîs de kerde ameye şermezarkerdene. Kurdîstanijî û dostê ci vejîyayî meydanan û înan çalakîyî kerdî.
• Havva Ozcan: Tepişteyê nêweşî birînê akerdeyî yê Tirkîya yê 

  Sereka Rûmete ya MED TUHAD-FEDî Havva Ozcan ard ziwan ke tewirê îqtîdarî yê vera tepişteyan ê nêweşan tewirêko dişmenî û qesaswarî yo.
• Kurdîstan de çalakîyê vera darbe dewam kenê  

  Darbeya meclîsê tirke ya vera kurdan Kurdîstan de yena şermezarkerdene. Çalakîyan de mesajê xoverdayîşî dîyayî û semedê têkoşînê hemparî ame vengdayene.