Dima ke dewleta tirke berê sînorî akerdî bi hezaran multecîyî ver bi sînorî şîyî. Seba ke Bulgaristan û Yunanîstan berê sînoranê xo girewtî ke multecîyî nêrê rewşêka trajedîke ameye dîyene. 

Hewtêyêkî ra nata zî Almanya de seba ke multecîyî bêrê qebulkerdene nawnayîşî yenê kerdene. Vizêr zî paytextê Almanya Berlin û Hamburg de bi hezaran merdimî bi sloganê ''Cayê ma esto'' waşt ke berê sînorî yê Ewropa seba multecîyan bêrê akerdene.

Nawnayîşê Berlinî de tewr tay 5 hezaran merdimî ver bi Wezaretê Karanê Zereyî rayîrî ra şîyî.

Hamburg de zî 5 hezarî ra zêdêr merdimî ameyî pêser. Qiseykerdişan de ame vatene ke sere de Hamburg de zaf şaristanê Ewropa de seba multecîyan ca esto.

Almanan waşt ke doman û cinîyê Girawa Yunanî hetê Almanya ra bêrê qebulkerdene.