Cezaya 9 serran dîyaye Atktîvîsta TJA Zelale Bîlgîn
Cezaya 9 serran dîyaye Aktîvîsta TJA Zelale Bilgîna ke Zîndanê Amedî de yena tepiştene.
Cezaya 9 serran dîyaye Aktîvîsta TJA Zelale Bilgîna ke Zîndanê Amedî de yena tepiştene.
Aktîvîsta Têgêrayîşê Cinîyan ê Azadan (TJA) Zelale Bîlgîna ke 5ê nîsane de ameye destbendkerdene û dima ra ameye tepiştene, ewro roniştişê 11. yê dewaya ci Mehkemeya Cezaya Giran a 4. ya Amedî ame kerdene.
Bîlgîne bi rayrîyê Sîstemê Veng û Dîmenî (SEGBİS) tewrê roniştişî bîye. Avukatê ci Sîdar Gumuş û Dîyar Çetedir zî mehkeme de hazir bî. Biîlgîne pawitişê xo yo nuştekî reyna ard ziwan û vat polîsan bîlasebeb sûcî kerdî aye mil û beraatê xo waşt. Avûkatan zî ard ziwan ke vatişê şahîdê/a nimiteyî/e nînê qebulkerdene û beraatê Bîlgene waşt.
Heyetê mehkeme bi îdîaya endamîya rêxitine cezaya 9 serran daye Bîlgîne û hukmê warardişê cezazî nêardî ca.