Dima ke menga çeleyî de fuzeyanê Îranî ra nêzdîyê 100 leşkerê Amerîka birîndar bîyî,îdareyê Wahingtonî Bexdadî ra waşt ke wa biverdo ê sîstemê Patriotî Bexdad de ca bikero.

Goreyê AFPyî heta roja dişemeyî eşkera nêbeno ke Bexdad do destûr bido yan nê. Labelê hewteyê verênî de selahîyetdaranê Iraqî heman ajansî reyde qisey kerd û da zanayene ke Amerîka ekîpmanê xo ardî û bêdestûrê Bexdadî beno ke înan ca bikera.

Selahîyetdaranê Amerîka û Iraqî yê ke nêwaşt nameyê xo eşkera bikerê AFPyî rê vat ke sîstemê Patriotî baregehê Ayn El Assadî de do bêro cakerdene. Ame parekerdene ke parçeyê cîyayî yê sîstemî paytextê Herêma Kurdîstanî ya Federale Hewlêr de ameyî cakerdene.

Qesawet esto ke cakerdişê Patriotanê Amerîka Iraq de alozîya herême pîlêr bikero. Dima ke DYA destpêkê menga çeleyî de serfermandarê Îranî Qasim Silêmanî û hetkarê ci yê Iraqî Ebû Mehdî El Muhendî kişt alozîye berz bibî.