Fransa de domana bi nameyê Julie A. ya ke heme 16 serre bî rîyê vîrusê Korona ra cuya xo vînî kerde. Maya ci vat: ''A têna kuxayêne û nêweşîya ci ya teybete çînêbî.'' Mergê Julie ramojna ke janê Korona ra têna extîyar û nêweşî nêmirenê.
Fransa de domana bi nameyê Julie A. ya ke heme 16 serre bî rîyê vîrusê Korona ra cuya xo vînî kerde. Julie kesêka tewr ciwan a ke Fransa de Korona ra cuya xo vînî kerde.
Maya Julie ya ke AFPyî rê qiysey kerd vat: ''Kênaya mi têna kuxayêne. Nêweşîya ci ya taybete çînêbî. Badê kuxayîşî ma şîyê doktorê keyeyî. Doktorî tesbît kerd ke nefesê aye bîyo teng û cade serwîsê lezabezî ra waşt ke bêrê aye bîgêrê. Nêweşxan de de testo verên negatîf vejîya la dima ra testo bîn pozîtîf vejîya û rewşa aye bîye girane. Bado zî Julie cuya xo vînî kerde.''
Waya Julie Manone zî vat sere ra ma rê vanê ke vîsrusê Korona ciwanan ser o tesîr nêkeno ma pê naye bawerîya xo ard.
Mergê Julie îdayê virûs ciwanan rê tesîr nêkeno newe ra kerdî rojdem. Pîsporî vanê ke wa heme ciwan-extîyar her kes keye de bimanê û tedbîran bigêro.
