Hûmara nêweşanê Korona 600 hezarî ra vîyarte, ya merdeyan zî ver bi 30 hezarî şina. Nêweşê tewr zaf Amerîka de yê dima ra zî Îtalya.

Tirkîya

Tirkîya de hûmara fermîye ya nêweşan bîyî 5 hezar û 698, ya merdeyan zî resayî 92î. Amed de hûmara nêweşan zêdîyena. 92 kesî bi şikê Korona tedawî vînenî û testê 10 kesan pozîtîf vejîyayî.  Zîndan de zî rîskêko gird ê Korona esto ke îqtîdar qet tedbîrî nêgirewtî.

Amerîka

Amerîka de hûmara nêweşan 100 hezarî ra vîyarte. Welat de 100 ra zafêr nêweşê neweyî estî. Hûmara merdeyan zî 1700yî ra vîyarte. Amerîka ya ke rêza verêne ca gêna Çîn û Îtalya xo dima verdayî.

Îtalya

Îtalya de kesê ke janê Korona girewto hûmara înan tay mendo ke bireso 87 hezarî. Hûmara merdeyan zî 1900î ra vîyarte.

Îspanya

Îspanya de 72 hezar û 248  kesî bi virûsê Korona kewtî û 5 hezar û 690 kesî merdî.

Fransa

Fransa de 33 hezar kesî bi janî kewtî û nizdê 2 hezar kesan cuya xo vînî kerde.

Almanya

Almanya de hûmara nêweşan 53 hezarî ra vîyarte. Welat de 400 kesan cuya xo vînî kerde. Goreyê xebaranê medyaya almanî raporê wezîrîya karanê zereyî ke pêşkeşê Serekwezîre Angela Merkel bi de yeno waştene ke wa 13ê nîsane ra nata rojane 100 hezar testî  û peynîya nîsane de zî rojane 200 hezar testî bêrê kerdene. Wezîrê Weşîye yê Almanya Jens Spahnî dabe zanayene ke îmkanê înan estê ke  hewte de 300 û 500 testan bikerê.

Belçîka

Belçîka de hûmara nêweşan 9100yî ra vîyarte, ya merdeyan zî 350î ra vîyarte.

Hollanda

Hollanda de zî 8600 kesî bi janê Korona kewtî û 546 kesî rîya nê vîrusî ra merdî.

Awusturya

Awusturya de zî 7700 ra zafêr kesî nêweşê Korona yê û hûmara merdeyan bîye 68.
 

Swêd

Swêd de zî hûmara merdeyan 100yî vîyarte û welat de 3060 kesan ra zafêr nêweşî estê.

Swîsre

Swîsre de hûmara nêweşanê Korona 13 hezar û 250î ra vîyarte, ya merdeyan zî 240î ra vîyarte.

Îran

Îran de zî 35 hezarî zafêr kesî bi janê Korona kewtî. 2500 kesan ra zafêr zî nê janî ra merdî.
Iraq

Iraq de nizdê 500 nêweşê vîrusê Korona estî û 42 kesî nê janî ra merdî.

Fîlîstîn

Fîlîstîn de hûmara nêweşan zêdîyena, hûmara nêweşan bîye 97.

Fîlîpîn

Fîlîpîn de 272 kesî bi janê Korona kewtî û 68 kesan nê janî ra cuya xo vînî kerde.

Qibris

Qibris de reya verêne nêweşêk/e cuya xo vînî kerde. Hûmara nêweşan zî bîye 61.