Korona: Hûmara nêweşan bîye nizdê 900 hezaran

Hûmara kesanê ke bi vîrusê Korona kewtî tay mendo ke bireso 900 hezeran, ya merdeyan zî bîye nizdê 45 hezaran.  

Vîrusê Korona yo ke bîyo sebebê nêweşîya se hezaran û bi des hezaran kesî ci ra merdî dinya girewta binê tesîrê xo.  Her hetê dinya de hûmara merdeyan û nêweşan her roje zafêr bena.   

Goreyê doneyanê peyênan tay welatan de rewşa peyêna wina ya:

Amerîka: Hûmara nêweşan 190 hezaran rê bîye nizdî ya  4 hezaran ra ravêrte. Serek Donald Trumpî şar hîşyar kerd ke nê di hewteyî do çetin ravêrî û waşt ke wa goreyê talîmatan bêro têgêrayene.

Îtalya: Hûmara nêweşan 105 hezaran ra û vîyartê ya merdeyan 12400 rî ravêrte. Qedexeyê teberî heta 13 nîsane ame dergkerdene.

Îspanya: Hûmara nêweşan 102 hezaran ra ravêrte û 9 hezaran ra zafêr cuya vînî kerde. Rewşa 6 hezar kesan gran a.

Fransa: Hûmara nêweşan bîye 52 hezarî û 3500î ra zafêr kesan cuya xo vînî kerde.

Almanya: Kesê ke bi vîrûsî kewtî hûmara înan 72 hezaran ra vîyarte ya merdeyan zî bîye nizê 800.

Qralîya Yewbîyayîye: Hûmara nêweşan 25 hezaran ra ravêrte û hûmara merdeyan bîye nizdê 1800yî.

Hollanda: Hûmara nêweşan bîye 13600, ya merdeyan zî bîye 1170.

Swîsre: Hûmara nêweşan 16600yî ra zêdêr a û ya merdeyan bîye 430.

Belçîka: Nizdê 14 hezar kesan de nêweşîye ameye tespîtkerdene û 820 zafêr kesan cuya xo vînî kerde.

Awusturya: 10 hezar û 400yî ra zêdêr nêweşî û 146 merdeyî estê.

Îran: Hûmara nêweşan bîye nizdê 48 hezaran ya merdeyan 3  hezaran ra vîyarte.

Umman: Mergo verên qewimîya û welat de 210 nêweşî estê. 72 yaşındaki bir kişinin hayatını kaybetmesiyle, koronavirüs nedeniyle

Hindistan: Eyaletê Kerala de cenî-camêrdê  93 û 88 serreyî nêweşîya Korona ra xelisyayî. Heta nika 45 kesan cuya xo nê janî ra vînî kerde.

Çîn: Hûmara nêweşan bîye 81554, ya merdeyan bîye 3312.