Nasnameyê 3 gerîlayan ameyî eşkerakerdene
HPGyî nasnameyê 3 gerîlanê ke 20ê teşrîna peyêne de Mêrdîn de şehîd bibî eşkera kerdî.
HPGyî nasnameyê 3 gerîlanê ke 20ê teşrîna peyêne de Mêrdîn de şehîd bibî eşkera kerdî.
Merkezê Îrtîbatî û Çapemenîye yê HPGyî derheqê şehdatê hîrê gerîlayan de zanayîş da.
Eşkerayîyê de nê ameyî parekerdene:
''Ma eşkerayîya xo ya 29ê teşrîna peyênde de dabi pêhesnayene ke hêrema mabênê Dêrikê Mêrdînî û Wêranşarê Riha de îşxalkeran 20ê teşrîna peyêne de dest bi operasyonî kerd. Hêzanê ma vera yewîyanê operasyonî çalakîyêk virşte û 14 polîsê taybetî ameyî kiştene. Nê pêkewtişî de 3 embazê ma yê ke bi qehremankî vera dişmenî şer kerd şehîd kewtî. Embazê ma yê ke şehîd bîyî zanayîşê nasnameyanê înan wina yê:
Nameyê Qodî: Erîş Qoser Name û Peyname: Hîkmet Eren Tarîx û Cayê Şehadetî: 20ê Teşrîna Peyêne 2019 / Mêrdîn |
Nameyê Qodî: Hamza Tolhildan Name û Peyname: Mûstafa Akiş Tarîx û Cayê Şehadetî: 20ê Teşrîna Peyêne 2019 / Mêrdîn |
Nameyê Qodî: Şerwan Qerejdax Name û Peyname: Alî Derîn Tarîx û Cayê Şehadetî: 20ê Teşrîna Peyêne 2019 / Mêrdîn |
Hemrayê ma Erîş, Hamza û Şerwan semedê azadîya şarê Kurdîstanî kewtî rayîrê azadîye û bi bawerîyêka pîle têkoşîn kerd. Bi rihêkê fedayî têkoşînê azadî yê kurdan de vera dişamenan şer kerd. Her hîrê embazê ma yê ke bi vinetişê xo yê fedakar û samîmî mîyanê refanê gerîlayan de bî wayîrê cayêkê girîngî bîyî mîlîtanê Rayber Apoyî. Emazê ma tewr peynî de derbeyê giranî dayî dişmenî ro û tewrê kerwanê şehîdan bîyî. Sere de keyeyanê hêja yê hemrayanê ma Erîş, Hamza û Şerwanî ma pêro şarê welatparêzî yê Kurdîstanî rê serweşîye wazenê û hêvî kenê û soz danê ke ma do seba caardişê hewn û xeyalanê cuya azade ya şehîdan, têkoşînê xo bi hawayêkê bêemanî dewam bikerê.''