Ekonomîstanê Konferansê Averşîyayîşî û Bazirganîye (UNCTAD) ê Neteweyanê Yewbîyayeyan (NY) seba ke bale biancê krîzê ekonomîkî yê pandemîya Covid-19 (vîrusê Korona) ser raporêk amade kerd. Rapor hetê Ofîsê Cenevre ra ame eşkerakerdene.

Ekonomîstan bale ante krîzê ekonomîkî ser ke Covid-19 seba welatanê ke aver şinê do bibo semedê ci. Ekonomîstan da zanayene ke Tirkîya zî tede ganî nê welatan rê qasê 1.5 trîlyonî hetkarîya ekonomîke bêra kerdene û deynê înan bêrê batalkerdene. Ekonomîstan pêşnîyaz kerd ke seba başkerdişê xizmetanê weşîye yê nê welatan 500 mîlyar dolar sey hetkarîye bêro dayene.

Rapor de wina ame vatene: ''Seba welatanê ke nêeşkenê cewab bidê vîrusê Korona, no proses do bibo felaketêk û averşîyayîşê înan do vindero.''