Nêweşîya vîrûsê Korona çend şino vila bena. Nêweşîye tewr zaf Amerîka de vila bîye û welatêko nêweşanê Korona tewr zaf cuya vînî kerd Îtalya ya. Hûmara kesanê kesanê ke bi vîrusê Korona kewtî tay mendo birese 740 hezaran. Hûmara merdeyan zî bîye nizdê 35 hezara.

Tirkîya de rêxistinê weşîye vanê ke hûmara merde û nêweşan hûmara  fermîye ra zêder a û wazenê roje de 30 hezarî ra zêdêr testî bêrê kerdene. Hetê bînî ra  rêxistina HDPyî ya Amedî kesê ke nêeşekenê keyeyê xo ra vejî û hetkarîye rê hewcedarê tesbît kerdî û waşt ke hetkarî bikere la Walîtîya Amedî destûr nêda.

Goreyê doneyanê peyênan tay welatan de hûmara merde û nêweşan wina ya:

Tirkîya: Hûmara nêweşan pêro pîya bîye 10 hezar û 827 û ya merdeyan zî bîye 168.

Amerîka: Hûmara nêweşan  140 hezaran ra vîyarte û nizdê 2500 kesan cuya xo vînî kerde.

Îtalya:  Hûmara nêweşan bena nizdê 100 hezaran û ya merdeyan zî bena nizdê 11 hezaran.

Îspanya:  Pêro pîya 85 hezarî  nêweşî û estê û 7300 kesan cuya vînî kerde.

Almanya: Kesê ke bi vîrûsî kewtî hûmara înan 63 hezaran ra vîyarte ya merdeyan zî bîye 541.

Fransa: 40 hezaran ra zafêr nêweşî estê û 2600 kesan cuya xo vînî kerde.

Qralîya Yewbîyayîye: Nizdê 20 hezaran nêweşî estê û hûmara merdeyan bîye 1220.

Hollanda: 10800î ra zafêr testî pozîtîf vejîyayî û 770 kesan ra zafêk kesan cuya xo vînî kerde.

Belçîka: Nizdê 12 hezar kesan de nêweşîye ameye tespîtkerdene û 510 zafêr kesan cuya xo vînî kerde.

Swîsre:  Hûmara nêweşan 15 hezaran û ya merdeyan 310î ra vîyarte.

Îran: Hûmara  nêweşan bîye 42 hezar û  ya merdeyan 2750î ra vîyarte.

Îsraîl: 4300 kesê bi vîrusî kewtî û 16 kesan nê vîrusî ra cuya xo vînî kerde.

Koreya Başûre: Hûmara nêweşan 9600 hezaran ra vîyarte û 158 kesan cuya xo vînî kerde.

Çîn: Hûmara nêwan bîye 81470, ya merdeyan bîye 3304.