Qulesîyaya ke bi 500 mîlyon trîlyon kîlometreyî dûrî dinya ya, bi karêkê hempar ê grubêk teleskopê radyo yê  serê rîyê dinya fotografê ci ame antene. A ya ke kodê nê karî nuşt û  verê her kesî îdîa kerd ke çîyêko bi nê hawayî eşkeno bêro kerdene, zanyara DYE'yî Katîe Bouman a 29 serrî ya.

Gruba ke Katîe Boumane rayberîya ci rê kena, bernameyêkê komputere viraşt ke hempar xebitnayîşê teleskopanê radyoyan dano kerdene.

Boumane 3 serrî verê cû wexto ke wendekara unîversîte bîye, no alogarîtman nuşt. Nê alogarîtmayî doneyê  ke 8 teleskopanê serê rîyê dinya ra ameyê kerdî yew û seba ke nê doneyan bikewo fotograf,  bi kar ard.

Boumane nika Enstîtuya Teknolojî ya Kalîfornîya de beşê komputere û zanistîyê matematîkî de hetkarîya profesorî kena.

Qulesîyaya ke galaksîyê bi nameyê M87’î de ya, bi rayîrê hetkarîya torra hempar a 8 teleskopanê serê rîyê dinya, fotograf ci ame antene. Seba amadekerdişê teleskopî zî  60 dezgehî û 200 zêdeyî kesan  20 welatan ra hemkarîye kerde.

Zanyarê ke tewrê projeyî bîyî da zanayene, doneyê ke Qulesîyaye ra ameyê girewtene, teorîyê îzafîyetî yê Albert Eînsteînî xeylî xurt kenê.