Aktîvîsta TJA Ekti: Têkoşînê ma do dewam bikero

Aktîsta TJA Figen Etki ya ke derheqê kampanyaya têkoşînê cinîyan her ca de yo qisey kerd vat: ''Vera zext û şîdetê serê cinîyan têkoşînê do dewam bikero.''

Meclîsê Cinîyan ê HDPyî  û Têgêrayîşê Cinîyan ê Azadan (HDP) 10ê hezîrane de kampanyaya ''Têkoşînê cinîyan her ca de yo'' daye destpêkerdene. Kampanya semedê qedînayîşê şer, tecrîd, şîdet û îstîsmarê domanan bi aktîvîteyanê cîya cîyayan dewam kena. Aktîsîta TJA Figene Etki derheqê kampanya de zanayîş da.

Etkî ard ziwan ke kampanyaya înana  rê zaf paştgêrîye esta  û vat: ''Hukmat wazeno ke bi qanûnêkê neweyî tecawuzker û tacîkeran êfu ‚ bikero ke sûce winayên nêno efkerdene.

Tirkîya de çi wext krîz xorî bo babetê wînayenî  kewenê  rojdem. Netîceya têkoşînê cinîyan ê 40 serran de vera şîdetî xebatê muhîmî ameyî kerdene û destkewteyê pîlî ameyî destfînayene.

2015î ra dima zextê dewlete zêdîyayî. Sîstemê hemserekîye yê cinîyan ke dewlete tira tersena, hedef ema girewtene û bi qeyûman îradeyê şarî ame binpaykerdene. Xeylêk dezgehê cinîyan ameyî qefilnayene û hemserekî ameyî destbendkerdene û tepiştene.

Hemserekîye xeta ma mor a ke nuqtayanê mîhîman ê kampanyaya ma ra yew a. Bi hêrişan wazenê xoverdayîşê ma bişiknê la ma xurtêr benê. Kampanyaya seba mabênê tarîxanê 10ê hezîrane û 10ê temmuze bo zî têkoşînê ma do tim dewam bikero. Ma reyna vanê ke vera nê hêrişan çareserîye xeta 3. a.''