Vervatoxa Komîsyonê Weçînayîşî yê Berzî yê Xoserî yê Iraqî Cumane Helayî dîyar kerd ke bira Mehkemeya Federale ya Iraqî ra dima komîsyonî amadekarîyê seba Weçînayîşanê Parlamentoyê Herêma Kurdîstanî bi hawayêkê demkî vindarnayê.

Helayî da zanayene ke heta ke gerreyê serê weçînayîşan biqedê ê do amadekarîyan nêkerê.

Barzanîyî waştbî

Serekwezîrê Herêma Kurdîstanî Mesrûr Barzanîyî 6ê gulane de gerreyê Mehkemeya Federale ya Iraqî kerdbî û waştbî ke amadekarîyê weçînayîşan vinderê.

Mehkemeya Federale îtîrazê Barzanîyî ser o vizêr bire daye ke bendo diyîn ê halê diyînî yê sîstemê tesdîqkerdişî û qeydkerdişê lîsteyanê namzetan wa bêrê vindarnayene.