Meclîsê Cinîyan ê HDPyî eşkerayîyêka nuştekîye weşanaye û vat: ''Vînkerdişê Gulîstane Doku seba tedaya muxalefetî hacetê xo mekerê. Hesab bidê, Gulîstane kotî de ya?''

Eşkerayîye de ame vatene: ''Derheqê Zaînal Abarokovî de ke embazê Gulîstane bi û versuco yewîn ê vînkerdişî yo tehqîqatêko qîm nêame kerdene. Seba vînayîşê Gulîstane îfadeyî û delîlî rayaumûmîye ra ameyî nimnayene û cigêrayîşêko aktîfî nêame kerdene.''

Meclîsê Cinîyan ê HDPyî da zanayene ke selahîyedarê mesuldarî yê ke pêro îdîa û delîlan pey goş kenê wazenê ke vînkerdişê Gulîstane seba tedaya serê muxalefetî sey hacet bixebitnê. Meclîsê Cinîyan vera sereştişê vera ESPyê Amedî yo ke no semedê ra amekerdene zî nêrazîbîyayîşê xo mojna. Meclîsê Cinîyan ê HDPyî eşkera kerd ke îqtîdar bi nê sereştişî xîret keno ke binê destbendkerdişan û tepiştişan bigêro û vat: ''Muxatabo bingeyî hemkarîya dewlete-camêrdî ya ke Gulîstane daye vînkerdene û nêvînayîşê ci de israr kena.''