Dayîkanê Haştîye yê Geverê Colemêrgî laçikê xo yê sipîyî yê ke sey sembolê haştîye yenê zanayene, eştî erd û hemkarîya PDK-dewleta tirke protesto kerde.

Çalakîya ke verê banê HDPyî yê qeza de ameye kerdene de bi nameyê dayîkan Gulçîn Karaburkî qisey kerd.  Karburkî ard ziwan ke ê haştîye, waybiratîye û huzur wazenê û veng da vat: Ma tîya ra veng danê Mesûd Barzanîyî, wa destê wayûbirayanê xo tepişo û peynîya şerî bîyaro. Feydeyê şerî qet çewî/e rê çîn o. Ça yê dinya de şerê wayûbirayî esto. Xeyrê dişmenîye çîn o. Ma do desturê nê şerî medê. Heta ke ma estbê ma do semedê haştîye mucadele bikerê.

Dayîkan badê eşkerayîye laçikê xo yê sipîyî ke eştî war ke wa verê şerî bêro girewtene.